Dövlət İmtahan Mərkəzi tərəfindən Şimal rayonlarında ümumi (9 illik) orta təhsil səviyyəsi üzrə buraxılış imtahanı 5, 12 və 26 aprel 2026-cı il tarixlərində keçiriləcək.
Bu barədə Shimal.News-a DİM-dən məlumat verilib.
İmtahan tarixi
İmtahan keçiriləcək şəhər (rayon)
Ümumi (9 illik) orta təhsil səviyyəsi üzrə buraxılış imtahanı
5 aprel
Şəki, Şamaxı, Qusar, Siyəzən, Xızı, Şabran
12 aprel
Qəbələ, Oğuz, Ağsu, Xaçmaz (I hissə), Quba (I hissə)
26 aprel
Qax, Balakən, Zaqatala, İsmayıllı, Xaçmaz (II hissə), Quba (II hissə)
Qeydlər:
- Məcburi köçkün rayonlarının məktəblərində təhsil alan şagirdlər bitirdikləri təhsil müəssisəsinin yerləşdiyi şəhər və rayonların imtahan gününə uyğun tarixlərdə imtahan verirlər.
- Xaçmaz və Qubada yerləşən məktəblərin şagirdlərinin imtahanı hərəkət intensivliyinin azaldılması məqsədilə iki imtahan gününə bölünüb. Bu hal müvafiq olaraq, I və II hissə kimi adlandırılıb.
- İmtahana buraxılış vərəqəsi hər imtahan günündən 5 gün əvvəl DİM-in saytında yerləşdiriləcək.
