Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) rəisi Mürsəl İbrahimov vətəndaşları qəbul edib. Bu haqda ShimalNews 19 mart tarixində məlumat verir.
Quba, Qusar, Xaçmaz, Şabran və Siyəzən rayonlarından 24 sakinin müraciəti dinlənilib. Görüş Quba şəhərində yerləşən Heydər Əliyev Mərkəzində təşkil olunub.
M.İbrahimov qaldırılan məsələlərin hərtərəfli öyrənilməsi və qanunvericiliyin tələblərinə uyğun qısa müddətdə həll edilməsi üçün müvafiq tapşırıqlar verib. Vətəndaşların müraciətlərinin bir qismi yerindəcə həllini tapıb, bəzi məsələlər isə araşdırılması üçün nəzarətə götürülüb.
SHXÇDX-nin səlahiyyətlərinə aid olmayan müraciətlər aidiyyəti qurumlara yönəldilib.
