Xaçmaz və Qubada yaşayan həssas kateqoriyalara aid vətəndaşlar üçün tibbi aksiya keçirilib. Bu haqda ShimalNews 1 aprel tarixində məlumat verir.
Tədbir Sumqayıt şəhərində Xüsusi Təyinatlı Qüvvələrin şəhidlərinin ailə üzvləri və qazilər üçün təşkil edilib. Müxtəlif dövlət və özəl tibb müəssisələrində çalışan kardioloq, radioloq, terapevt, pediatr, dermatoloq, nevroloq, endokrinoloq, cərrah,stomatoloq,reabilitoloq, fizioterapevt ginekoloq, psixoloq və digər ixtisaslı könüllü həkimlər vətəndaşları müayinə ediblər.
Nəticələrə əsasən, xəstəlik aşkar edilən vətəndaşlara müvafiq müalicə kursları təyin olunub. Sağlamlıq vəziyyəti ağır olan şəxslərin tibb müəssisələrində müayinədən keçməsi və ehtiyac yarandıqda cərrahi əməliyyatlarının aparılmasına dəstək veriləcək.
