Qurbanlıq heyvan kəsimi və satışı zamanı tətbiq olunan çəki hesabı bu il əsasən 2 üsulla aparılır. Bu barədə ShimalNews 9 iyul tarixində məlumat verir.
Tələbatın təmin olunması məqsədilə Qubada - 2, Qusar, Şabran və Sizyəzən rayonlarında hərəsində 1, Xaçmazda isə 3 məntəqə istifadəyə verilib.
Əldə olunan məlumata görə, burada heyvan tərəziyə qoyulur və çəki təyin olunmuş məbləğə (biz olduğumuz yerdə 7 manata) vurulur. Məsələn heyvan 20 kilodursa, bu, 7-yə vurulur və son məbləğ 140 manat olur.
Digər satış yerlərində isə bir gədər fərqli hesablanma aparılır. Məsələn qoyun 20 kq-dır. Bu rəqəmdən 2 kq “nəfəslik” çıxılır (heyvanın yediyi, içdiyi yem və su). Alınan 18 kq isə 2-yə bölünür və qiymətə (13 manat, biz olduğumuz yerdə) vurulur. Sonda məbləğ 117 manat təşkil edir.
Sakinlər arasında alıb evlərinə aparanlar və burada nişanlayıb kəsilməsini həyata keçirənlər var. Yaradılan məntəqələrdə bildirilib ki, burada baytarlıq nəzarətindən keçmiş və sanitar gigiyenik tələblər gözlənilməklə kəsilmiş qurbanlıq heyvanlar sifarişçilərə təqdim olunur.
