Şimal bölgəsində qeyri-sabit hava şəraiti mayın 5-i səhərədək davam edəcək. Bu haqda ShimalNews 2 may tarixində xəbər verir.
Milli Hidrometeorologiya Xidmətinin məlumatına əsasən, mayın 3-ü axşamdan 4-ü səhərədək Quba və Qusarda yağıntıların leysan xarakterli intensiv olacağı, şimşək çaxacağı, dolu düşəcəyi, yüksək dağlıq ərazilərdə sulu qara keçəcəyi ehtimalı var.
Qərb küləyi arabir 15-20 m/s, bəzi yerlərdə arabir 23-28 m/s-dək güclənəcək.
