Şimal bölgəsində şagird sayı 500-dək olan ümumtəhsil məktəbləri üzrə direktor vəzifəsinə işə qəbul üçün müsabiqə elan edilir. Bu haqda 5 aprel tarixində Shimal.news Təhsil Forumuna istinadən xəbər verir.
Şagird sayı 150-dək olan məktəblərdə direktor vəzifəsinə qəbul yalnız müsahibə mərhələsində, şagird sayı 151-dən 500-dək olan məktəblərdə isə həm test, həm də müsahibə mərhələsində keçirilir.
Namizədlər üçün tələblər:
- pedaqoji ixtisas üzrə ali təhsil;
- 5 ildən az olmayaraq pedaqoji staj;
- hazırda ümumi təhsil müəssisəsində pedaqoji fəaliyyət göstərməsi.
Müsabiqədə iştirak üçün tələb olunan sənədlər:
- kadrlar uçotunun şəxsi vərəqəsi;
- tərcümeyi-hal;
- şəxsiyyəti təsdiq edən sənədin surəti;
- əmək kitabçasının surəti;
- ali təhsil haqqında sənədin və əlavəsinin surəti.
Namizədlər tələb olunan sənədləri 2023-cü il aprelin 11-dək Quba-Xaçmaz Regional Təhsil İdarəsinə təqdim etməlidirlər.
Regional Təhsil İdarəsinin tabeliyində olan məktəblər üzrə vakansiyalarla burada tanış ola bilərsiniz.
2022-ci ildə keçirilmiş müsabiqənin test imtahanı mərhələsində uğur qazanmış namizədlər bu il birbaşa müsahibə mərhələsində iştirak hüququ qazanırlar.
