İsmayıllıda işsiz və işaxtaran şəxslər üçün əmək yarmarkası keçiriləcək. Bu barədə ShimalNews 31 yanvar tarixində Dövlət Məşğulluq Agentliyinə (DMA) istinadən məlumat verir.
Tədbirdə “Baku Digital” MMC-də qeyd olunan vakansiyalar üzrə işə qəbul olunmaq istəyən şəxslər isə göstərilən tarixdə müvafiq ünvana yaxınlaşa bilərlər.Vakansiyalar, iş öhdəlikləri və şərtlər haqqında daha ətraflı məlumat yarmarkada iştirak edən şəxslərə təqdim olunacaq.
Əmək yarmarkası fevralın 1-də saat 10:00-da DMA-nın İsmayıllı Xidmət şöbəsinin inzibati binasında (Heydər Əliyev parkının yanı) baş tutacaq. Burada iştirak edən namizədlərin şəxsiyyət vəsiqələrini təqdim etmələri mütləqdir. CV nümunələrinin olması isə arzuolunandır.
Həmçinin Siyəzəndə də fevralın 1-də saat 10:00-da əmək yarmarkası təşkil ediləcək. Burada 8 müəssisə tərəfindən 110-dək vakansiyanın çıxarılması nəzərdə tutulub. Tədbir Siyəzən Rayon Mədəniyyət Mərkəzində (Heydər Əliyev küçəsi, 92) baş tutacaq.
CV-ni tərtib etmək istəyənlər Dövlət Məşğulluq Agentliyi tərəfindən istifadəyə verilən CV Yarat platformasından (www.cvyarat.az) yararlana bilərlər.
