Bir neçə gün öncə Xaçmaz rayonunun Qusarçay kəndində və Xudat şəhərinin mərkəzi hissəsində yaranmış antisanitar vəziyyətlə bağlı məlumat vermişdik.
Belə ki, Qusarçay kəndindən keçən beton su arxına müxtəlif məişət tullantılarının atılması, həmçinin Xudat şəhərində dəmiryolu ətrafının məişət tullantıları, plastik qalıqlar və müxtəlif çirkablarla dolu olması ciddi narazılığa səbəb olmuşdu.
Məsələ Shimal.News tərəfindən ictimailəşdirildikdən sonra qeyd edilən ərazilərdə yaranmış antisanitar vəziyyət polisin müşayiəti ilə əraziyə cəlb olunan aidiyyəti dövlət qurumları tərəfindən aradan qaldırılıb.
