Bir neçə gün əvvəl Shimal.News-un gündəmə gətirdiyi problem qısa müddətdə həllini tapıb.
Mikayıl Müşfiq küçəsində yağış sularının ötürülməsi üçün quraşdırılmış borunun ensiz olması səbəbindən hər yağışdan sonra küçə, həyətlər və evlərin zirzəmiləri su altında qalırdı. Sakinlər yaranan vəziyyətin onların gündəlik həyatına ciddi çətinlik yaratdığını bildirmişdilər.
Məsələnin işıqlandırılmasından sonra Oğuz Rayon İcra Hakimiyyətinin başçısının müvafiq tapşırığı ilə ərazidə təmir işlərinə başlanılıb. Mövcud boru daha böyük diametrli boru ilə əvəz olunub. İşlərin həyata keçirilməsi üçün əraziyə texnika və canlı qüvvə cəlb edilib.
