Şəxsiyyət vəsiqəsinin etibarlılıq müddəti bitən vətəndaşlar Milli Məclisə seçkilərdə səs verə biləcəklər.
"Report" xəbər verir ki, bu sözləri Mərkəzi Seçki Komissiyasının (MSK) sədr müavini Rövzət Qasımov deyib.
“Bu bizim üçün çox önəmli bir məsələdir. Sentyabrın 1-də keçiriləcək Milli Məclisə seçkilərlə əlaqədar olaraq, bu məsələ MSK-da müzakirə olunub. Şəxsiyyət vəsiqəsinin etibarlılıq müddətinin bitməsinə baxmayaraq, həmin seçicilərin texniki səbəblərlə kənarda qalmasını istəmirik. Ona görə də, etibarlılıq müddəti başa çatmış şəxsiyyət vəsiqələri ilə də səs vermə imkanı yaradılacaq. Aşağı seçki komissiyalarını da bu barədə məlumatlandırmışıq” - sədr bildirib.
