Qax şəhərində ən çox yol-nəqliyyat hadisələrinin baş verdiyi kəsişmələrdən birinə işıqforlar quraşdırılıb.
Bu barədə Shimal.News-a sakinlər məlumat veriblər.
Onların sözlərinə görə, Səməd Vurğun və Aydın Məmmədov küçələrinin kəsişməsində tez-tez yol-nəqliyyat hadisələri baş verirdi. Ərazidə tənzimləyici nişanlar olsa da, avtomobillərin kəsişmədən keçərkən bir-birinə yol verməməsi qəzaların baş verməsinə səbəb olurdu.
Artıq həmin ərazidə 4 ədəd işıqfor quraşdırılıb.
Sakinlər görülən tədbiri müsbət qiymətləndirərək bildiriblər ki, işıqforların quraşdırılması kəsişmədə hərəkətin daha təhlükəsiz təşkilinə və yol-nəqliyyat hadisələrinin qarşısının alınmasına kömək edəcək.
Yeni tənzimləmə sürücülərin, piyadaların və sərnişinlərin təhlükəsizliyinin təmin olunmasına xidmət edir.
