Qubada fövqəladə hadisə baş verərsə, aidiyyəti qurumların necə hərəkət edəcəyi yoxlanılıb. Rayonun mülki müdafiə dəstələri xəbərdarlıq siqnalı ilə toplanışa cəlb olunub və operativ fəaliyyətləri sınaqdan keçirilib.
Shimal.News xəbər verir ki, FHN-in Şimal Regional Mərkəzinin təşkilatçılığı ilə Quba İdman-İstirahət Təlim və Tədris Kompleksində rəhbər heyətin iştirakı ilə məşq təşkil olunub.
Məşq zamanı dəstələrə fövqəladə hadisə barədə məlumat verilməsi, xəbərdarlıq siqnalından sonra toplanış məntəqəsinə çatmaları və idarəetmənin təşkili yoxlanılıb. Komandirlərin üzərinə düşən vəzifələr də qiymətləndirilib.
Təlimin əsas məqsədi fövqəladə vəziyyət zamanı daha çevik və koordinasiyalı hərəkət etmək, həmçinin mülki müdafiə qüvvələrinin hazırlıq səviyyəsini yoxlamaq olub.
Məşqin sonunda nəticələr müzakirə edilib və növbəti fəaliyyətlə bağlı aidiyyəti şəxslərə tapşırıqlar verilib.
