Bakı–Şamaxı–Yevlax avtomobil yolunda ölümlə nəticələnən ağır yol-nəqliyyat hadisəsi baş verib.
Shimal.News xəbər verir ki, qəza yolun Göyçay rayonunun Qarayazı kəndi ərazisindən keçən 199-cu kilometrliyində qeydə alınıb.
İlkin məlumata görə, 3 minik avtomobilinin toqquşması nəticəsində 1 nəfər hadisə yerində həyatını itirib. Müxtəlif dərəcəli bədən xəsarətləri alan şəxslər isə Göyçay Rayon Mərkəzi Xəstəxanasına çatdırılıblar.
Daxili İşlər Nazirliyinin mətbuat xidmətinin regional qrupundan bildirilib ki, faktla bağlı cinayət işi başlanılıb, hadisənin başvermə səbəbləri araşdırılır.
