"Şamaxı" Azərbaycan Kubokunun 1/4 final mərhələsinin ilk oyununda "Qarabağ"ı məğlub edib.
Qarşılaşma Şamaxı şəhər stadionunda keçirilib.
Matç meydan sahiblərinin 2:1 hesablı qələbəsi ilə başa çatıb. "Şamaxı"nın heyətində 26 və 41-ci dəqiqələrdə Karim Rossi fərqlənib. Qonaqlarda Abdullah Zubir 76-cı dəqiqədə adını tabloya yazdırıb.
Komandalar arasındakı cavab görüşü martın əvvəlində baş tutacaq. Cütün qalibi növbəti raundda "Sumqayıt" – "Zirə" duelinin güclüsü ilə üz-üzə gələcək.
Bu gün 1/4 final mərhələsində "Turan Tovuz" – "Kəpəz" oyunu da keçiriləcək. Matç saat 19:00-da start götürəcək.
Qeyd edək ki, ötən gün "Sabah" "Qəbələ" ilə, "Sumqayıt" "Zirə" ilə qolsuz bərabərə qalıb.
