Qusar rayonunda avtomobilin dərəyə düşməsi ilə nəticələnən ağır yol-nəqliyyat hadisəsində həlak olan şəxslərin polkovnik İlham Ramaldanovun ailə üzvləri olduğu açıqlanıb.
Shimal.News xəbər verir ki, faciə nəticəsində polkovnikin 36 yaşlı qızı Tamilla Ramaldanova və ailənin yaxın üzvlərindən olan 43 yaşlı Cəmilə Bağırova həyatlarını itiriblər.
Bu barədə hərbi ekspert Üzeyir Cəfərov məlumat verib. Onun sözlərinə görə, hadisə zamanı daha dörd nəfər müxtəlif dərəcəli bədən xəsarətləri alıb.
Ekspert bildirib ki, baş verən hadisə polkovnik İlham Ramaldanovun qardaşı, ehtiyatda olan polkovnik Şair Ramaldanov tərəfindən də təsdiqlənib.
Məlumata görə, mərhumların nəşi gecə saatlarında Bakıya gətiriləcək, dəfn mərasimi isə sabah paytaxtda keçiriləcək.
