“Şahdağ” Milli Parkı ərazisində baş vermiş yanğın qısa müddətdə söndürülüb. Bu barədə ShimalNews 23 fevral tarixində Fövqəladə Hallar Nazirliyinə istinadən məlumat verir.
Hadisə nəticəsində təqribən 7 ha sahədə xəzəl, quru ot, kol-kos və qurumuş ağac kötükləri yanıb. Havanın küləkli olmasına və relyefin mürəkkəbliyinə baxmayaraq, sıx meşəlik ərazi alovdan mühafizə olunub.
Yanğının söndürülməsində FHN Dövlət Yanğından Mühafizə Xidmətinin müvafiq qüvvələri, Ekologiya və Təbii Sərvətlər Nazirliyi Meşə Təsərrüfatı Mərkəzinin əməkdaşları və bir qrup yerli kənd sakini iştirak ediblər.
