Şabran şəhərinin Heydər Əliyev prospektində, yol kənarında təhlükə mənbəyinə çevrilən qurumuş ağac nəhayət ki, kəsilib. Sakinlərin “ölüm ağacı” adlandırdığı, illərlə qəzaların baş verdiyi ərazidəki quru ağacın aradan qaldırılması Shimal.News-un məsələni ictimailəşdirməsindən sonra mümkün olub.
Məlumata görə, 5 saylı ərazi Ekologiya və Təbii Sərvətlər İdarəsinin əməkdaşları əraziyə baxış keçiriblər və ağacın təhlükə yaratdığını əsas götürərək onun kəsilməsinə qərar veriblər.
Qeyd edək ki, bu ağacın yaxınlığında əvvəllər bir neçə ağır yol-nəqliyyat hadisəsi baş verib, hətta insan ölümü ilə nəticələnən qəzalar qeydə alınıb.
Yerli sakinlər uzun müddət ağacın kəsilməsi üçün aidiyyəti qurumlara müraciət etsələr də, nəticə ala bilmirdilər.
