Şabran şəhəri Nizami küçəsinin sakinləri ekoloji problemlə üz-üzə qalıblar.
Onlar Shimal.News-a bildiriblər ki, yaşadıqları ərazidə məişət tullantıları yandırılır. Bu əsasən gecə saatlarında baş verir, vəziyyət artıq dözülməz həddə çatıb.
Yanğının tüstüsü havanı çirkləndirir, kəskin qoxu ətrafda yaşamağı çətinləşdirir. Xüsusilə uşaqlar və yaşlılar bu vəziyyətdən daha çox əziyyət çəkirlər.
Vətəndaşların sözlərinə görə, dəfələrlə aidiyyəti qurumlara müraciət etsələr də, problem hələ də öz həllini tapmayıb.
