Şabran rayonu Ağalıq kəndi antisanitar vəziyyətdən əziyyət çəkir.
Bu barədə Shimal.News-a kənd sakinləri məlumat veriblər.
Onların sözlərinə görə, 4-5 metr dərinliyində olan çuxur tam olaraq tullantılarla dolub. Su ilə qarışan natəmizlik ətrafa yayılır:
“Ətrafda uşaq bağçası, yeni tikilən məktəb, yaşayış evləri mövcuddur. Havada yayılan üfünət qoxusu və anisanitar vəziyyət başdan ayağa xəstəlikdir”, - deyə onlar bildiriblər.
Vətəndaşlar onu da vurğulayıblar ki, kanalizasiya suyu əraziyə axıdılır. Çöldə olan ev heyvanları həmin su ilə təmasda olurlar.
