Şabranda fəaliyyət göstərən məktəb təhsil ocağındançox xarabalığı xatırladır.
Bu barədə Shimal.News-a məlumat daxil olub. Məlumata əsasən Dəvəçkənd ərazisində yerləşən təhsil ocağının taleyi yerli sakinləri ciddi şəkildə narahat edir.
Onlar bildirirlər ki, təhsil ocağının ətrafı zibilxanaya çevrilib. Yolları bərbad gündədir. Eyni zamanda məktəb binası da bərbad vəziyyətdədir. Qəhrəman adını daşıyan məktəbin bu vəziyyətdə olması utancvericidir. Nəzərə almaq lazımdır ki, sözügedən ərazi ucqar bir dağ kəndi yox, Şabranın bir hissəsidir.
Samir Zülfüqarov 3 iyul 1976-cı ildə Şabran (keçmiş Dəvəçi) rayonunun Ağbaş kəndində anadan olub. O, 1995-ci il martın 17-də qiyamçı dəstələrlə yaranan qarşıdurma zamanı qəhrəmancasına həlak olub. Azərbaycan Respublikası Prezidentinin 4 aprel 1995-ci il tarixli 307 saylı Fərmanı ilə sıravi Zülfüqarov Samir Xəlil oğlu ölümündən sonra “Azərbaycanın Milli Qəhrəmanı” adına layiq görülüb.
