Şabrançayın Xələflər kəndindən keçən hissəsində iki meyit aşkar edilib.
Shimal.News xəbər verir ki, meyitlərin çayın sahilindən götürülməsində köməklik göstərilməsi üçün FHN-ə müraciət olunub.
Əraziyə cəlb olunan Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri həmin meyitləri götürərək aidiyyəti üzrə təhvil veriblər.
***
APA-nın məlumatına görə, meyiti tapılan şəxslər Şirvan şəhər sakini 59 yaşlı Nurməmməd Qəhrəman oğlu Məmmədov və Salyan rayon sakini 63 yaşlı Etibar Hafiz oğlu Nağıyevdir.
Onların “Siyəzən Oil” neft şirkətinin əməkdaşları olduğu bildirilir. İlkin məlumata görə, hər 2 şəxs işə gedən zaman selə düşüb.
Faktla bağlı Şabran Rayon Prokurorluğunda araşdırma aparılır.
