Qusarda rayonun tanınmış elm adamları və alimləri ilə görüş keçirilib.
Shimal.News xəbər verir ki, görüş Heydər Əliyev Mərkəzində baş tutub. İcra başçısı Sahir Məmmədxanov belə görüşlərin keçirilməsində əsas məqsədin yerli ziyalılar ilə yaxından tanış olmaq olduğunu qeyd edib.
Daha sonra rayonda aparılan abadlıq-quruculuq işləri, sosial, iqtisadi, ictimai, mədəni və digər sahələrdə icra olunan layihələr müzakirə olunub, bu layihələrin həlli istiqamətində birgə çalışmağın vacibliyi vurğulanıb. Rayonun nüfuzunun artırılması və gələcək inkişafı istiqamətində ziyalıların təklif və tövsiyələri dinlənilib, əlavə fikirləri öyrənilib. Onların rayonumuzun ictimai-siyasi həyatında yaxından iştirak etmələri, Qusar rayonunun inkişafı, yüksəlişi üçün öz təcrübələrini əsirgəməmələri təqdirəlayiq hesab olunub.
Görüşdə sosial-iqtisadi sahənin inkişafı istiqamətində təkliflər irəli sürülüb, Yazıçılar Birliyinin filialının açılması, yeni teatr binasının tikilməsi, Tarix Diyarşünaslıq Muzeyində yenidənqurma işlərinin aparılması, gənclərin asudə vaxtlarını səmərəli şəkildə keçirmələri üçün stadionların tikintisi kimi məsələlər qaldırılıb, rayonda mədəni mühitin dirçəlməsinə diqqətin artırılması xahiş olunub.
