Qusarda gecə saatlarında çörək zavodu fəaliyyət göstərir ki, səhər tezdən süfrələrimizdə un məmulatları olsun. Bu barədə ShimalNews 3 fevral tarixində “Azərtac”a istinadən məlumat verir.
2015-ci ildən dövlət dəstəyi ilə uzun illər çalışan bu zavoda Rusiyadan müasir avadanlıqlar gətirilib. Bununla müəssisənin sutkalıq istehsal gücü 20 tona çatdırılıb.
“Müəssisəmizdə 12 çeşiddə çörək, 13 növ şirniyyat, həmçinin makaron, vermişel, əriştə, xəngəl istehsal olunur. Zavodumuz Qusar və ətraf rayonların bir qismini bu məhsullarla təmin edir. Burada istehsal edilən məhsullar yüksək keyfiyyəti və təbiiliyi ilə seçilir. Bu da istehlakçılar tərəfindən həmişə rəğbətlə qarşılanır”, - deyə zavodun icraçı direktoru Amid Fərzəliyev bildirib.
“Kəpəkli baton”, “Alman”, “Kürə”, “Xərək”, “Tost”, “Doğranmış”, “Zavod”, “Çovdar” və başqa çörəklər, eləcə də şiriniyyatlar Qusarla yanaşı, Quba və Xaçmazda da satılır.
[video width="1080" height="1080" mp4="https://shimal.news/storage/photos/2024/02/Sequence-0211.mp4"][/video]
