Qusarın Urva kənd folklor evində "Əziz Şuşa, sən azadsan!" mövzusunda tədbir keçirilib. Bu barədə ShimalNews 8 iyul tarixində Xaçmaz Regional Mədəniyyət İdarəsinə istinadən məlumat verir.
Tədbirdə Regional Mədəniyyət İdarəsinin rayon üzrə nümayəndəsi Elnur Eldarov, YAP təşkilatının sədri David İbramxəlilov, Urva kənd İƏD üzrə nümayəndəsi Edison Ələsgərov, Vətən müharibəsi qazisi Fuad Bağışov tədbirin mövzusu ilə bağlı çıxış ediblər.
Qonaqlar ilk öncə "Şuşa İli"nə həsr olunmuş rəsm, dekorativ-tətbiqi sənət və milli mətbəx nümunələrindən ibarət sərgi ilə tanış olublar. Tədbirin bədii hissəsində özfəaliyyət kollektivlərinin üzvləri, "Ləzginka Assa" rəqs qrupu geniş və rəngarəng konsert proqramı ilə tamaşaçılar qarşısında çıxış ediblər.
[caption id="attachment_20394" align="alignnone" width="300"]
Foto Xaçmaz Regional Mədəniyyət İdarəsi[/caption]
