Qusarda su ehtiyatlarının artırılması üçün anbar inşa ediləcək. Bu haqda ShimalNews 27 mart tarixində məlumat verir.
“Burada böyük həcmdə su anbarı yaradılarsa, suyun az istifadə olunan vaxtları, sel sularının müşahidə olunan vaxtları Qusarçayın burda böyük su ehtiyatı yığılmaq ehtimalı var. Və bu da həmin sudan istifadə olunan suyun Qusarçayda suyun az olan hallarında bu suyun çaylara və yaxud kanallara verməklə istifadəçilərin su təminatını tam mənasında yaxşılaşdırmaq mümkündür”, - deyə Dövlət Su Ehtiyatları Agentliyinin nümayəndəsi Aslanşah Abuyev bildirib.
Ölkə üzrə 10 su tutarının 3-ü şimal bölgəsində tikiləcək. Onlardan biri Kuzun kəndinin ərazisində olacaq. Burada Qusarçayın səviyyəsi artan zaman su toplanacaq.
Hazırda anbarların texniki iqtisadi əsaslandırmaları üzərində iş gedir. Bununla bağlı aidiyyəti dövlət qurumları fəaliyyət göstərir və yaxın illərdə tikintiyə başlanılacaq.
