Qusar rayonu ərazisində qanunsuz ağackəsmə faktları ilə bağlı araşdırma aparılıb. Bu barədə ShimalNews 24 iyun tarixində Baş Prokurorluğa istinadən məlumat verir.
Araşdırmalar zamanı Qusar rayonunun Yasab kəndi ərazisində meşə fonduna daxil olmayan ağac və kolların qanunsuz kəsilməsi nəticəsində təbiətə ziyan vurulmasına əsaslı şübhələr müəyyən edilib.
Aşkar edilmiş faktlarla bağlı Cinayət Məcəlləsinin 259.1, 259.2.4 və 259.3-cü (qabaqcadan əlbir olan bir qrup şəxs tərəfindən xeyli və külli miqdarda ziyan vurmaqla qanunsuz ağac kəsmə) maddələri ilə cinayət işləri başlanaraq istintaqın aparılması üçün aidiyyəti üzrə daxili işlər orqanlarına göndərilib.
