Bakı şəhərindən Qusar Rayon Mərkəzi Xəstəxanasına dəvət olunan həkimlər qadınlar üçün tibbi müayinə keçiriblər. Bu barədə ShimalNews 1 aprel tarixində məlumat verir.
Aksiya zamanı 150 nəfərə yaxın qadının sağlamlığı yoxlanılıb. Müayinə zamanı 1 nəfərdə xərçəngə şübhə aşkarlanıb və xəstəyə biopsiya olunmağı məsləhət görülüb. Ultrasəs müayinəsi zamanı 2 nəfərdə iri ölçülü kistalar aşkarlanıb. Onlar USM altında və tam ağrısız aspirasiya olunub. Ehtiyac olan xəstələrə isə konservativ müalicə təyin olunub.
Müraciət olunan bütün xanımlara süd vəzi ultrasəs müayinəsi, göstəriş olanlara isə qalxanabənzər vəzin ultrasəs müayinəsi aparılıb və həkim-mütəxəssislər tərəfindən gərəkli tövsiyələr verilib.
Qusar Rayon Mərkəzi Xəstəxanasında gələcəkdə də belə aksiyaların keçirilməsi nəzərdə tutulub.
