Qusarın Mahmud Əbilov adına mərkəzi meydanında bayram ab-havası yaradılıb. Bu barədə ShimalNews 15 mart tarixində məlumat verir.
Novruz bayramına həsr olunan şənlikdə dövlət qurumlarının və yerli təşkilatların işçiləri, şəhid ailələri, qazilər, eləcə də rayon sakinləri iştirak edirlər.
Tədbirdə bayram tonqalı alovlandırılıb. Musiqiçilərin müşayiəti ilə meydana Bahar qız gəlib. O, tamaşaçıları Novruz bayramı münasibətilə təbrik edib.
Meydanda, həmçinin bayram atributları, milli mətbəx nümunələri, yerli sənətkarların əl işlərindən ibarət sərgi nümayiş olunur.
