Quba-Xaçmaz Regional Təhsil İdarəsinin müdiri Coşqun Əliyev Qusar rayonunda fəaliyyət göstərən ümumi təhsil müəssisələrinin direktorları ilə görüş keçirib.
ShimalNews adıçəkilən idarəyə istinadən xəbər verir ki, sentyabrın 11-i keçirilən görüşdə ötən tədris ilində aparılmış işlərin qiymətləndirilməsi, növbəti il üçün qarşıda duran vəzifələrin müzakirəsi, prioritet inkişaf istiqamətlərinin müəyyən edilməsi və tədrisin keyfiyyətinin artırılması üçün görüləcək tədbirlər barədə fikir mübadiləsi aparılıb.
Coşqun Əliyev, əldə olunan nailiyyətləri vurğulamaqla yanaşı, mövcud problemləri və onların həlli yollarını da ətraflı şəkildə təhlil edib.
Təhsil müəssisələrində tədrisin keyfiyyətinin yüksəldilməsi, şagirdlərin bilik və bacarıqlarının artırılması, müəllim heyətinin peşəkarlıq səviyyəsinin təkmilləşdirilməsi kimi əsas istiqamətlərə xüsusi diqqət yetirilib.
Həmçinin, növbəti tədris ilində qarşıda duran vəzifələr və yeni layihələr haqqında məlumat verilib.
Direktorlar, öz növbəsində, tədris prosesində qarşılaşdıqları çətinliklər, resurs ehtiyacları və digər mövzularla bağlı suallarını ünvanlamış, eləcə də təhsil sahəsindəki yeniliklər və innovativ metodların tətbiqi ilə bağlı təkliflərini bölüşüblər.
