Qusarda keçirilən “Oxu Bayramı”nda 1850-dən artıq müxtəlif mövzularda nəşr olunmuş kitablar sərgilənib. Bu barədə ShimalNews 14 iyun tarixində məlumat verir.
Tədbirdə RİH-nin və Xaçmaz Regional Mədəniyyət İdarəsinin nümayəndələri, mədəniyyət və təhsil işçiləri, gənclər, ziyalılar, tələbələr, şair və yazıçılar, rayon ictimaiyyəti və turistlər daxil olmaqla 1500 nəfərdən artıq adam iştirak edib.
Sərgilərdə “Heydər Əliyev-100”, “2023-cü il Heydər Əliyev ilidir”, “Müstəqilliyimiz əbədidir”, “Qusarlı yazıçılar”, “Azərbaycan, yurdum mənim” ,”Zərifə Əliyeva-100”, “Dünya ədəbiyyatı”, “Xariçi dillərdə ədəbiyyat”, “Yeni Kitablar”, “Çox oxunan kitablar”, “Ləzgi dilində ədəbiyyat”, “Unudulmuş kitablar”, “Zəfər tarixini yazanlar”, “Qarabaq Azərbaycandır” və s. başlıqlı çoxsaylı kitablar nümayiş olunub.
Bununla yanaşı, yaradıcılıq dərnəklərinin üzvləri tərəfindən müxtəlif mövzularda təşkil olunmuş rəsm, tətbiqi sənət əl işlərindən ibarət sərgilər göstərilib. Fəal kitabxana işçilərinə və oxuculara fəxri fərmanlar təqdim edilib.
