Qusar Rayon Mərkəzi Xəstəxanasında 70 yaşlı pasiyent üzərində 5 saata yaxın cərrahi əməliyyat aparılıb. Bu haqda ShimalNews 6 aprel tarixində məlumat verir.
Bu cür mürəkkəb əməliyyatların icrası bu günədək yalnız paytaxtda fəaliyyət göstərən ixtisaslaşmış tibb müəssisələrində mümkün olurdu. Ümumi cərrah Kamil Hacıyev, həkim-cərrah Qasım Qəribov, həkim-cərrah Orxan Qurbanov, həkim-cərrah Rəsul Yarmətov və həkim-reanimatoloq-anestezioloq Qüdrət Qəribovun iştirakı ilə qida borusunun nəhəng diafraqma yırtığının laparoskopik yolla əməliyyatı icra olunub.
Xəstənin hazırkı vəziyyəti qənaətbəxş qiymətləndirilir.
