Qusar rayonunda "Gəncliyin səsi" adlı tədbir keçirilib. Bu haqda ShimalNews 31 yanvar tarixində məlumat verir.
Heydər Əliyev Mərkəzində təşkil edilən toplantı 2 fevral – Gənclər Gününə həsr olunub. Tədbirdə rayon mədəniyyət müəssisələrinin əməkdaşları, fəal gənclər və Vətən müharibəsi qaziləri iştirak ediblər. Qonaqlara Mədəniyyət Mərkəzinin gənc ifaçılarının hazırladıqları rəngarəng musiqi proqramı təqdim edilib.
Sonda MİHİ Qusar rayon Komitəsi tərəfindən bir qrup gənc mədəni-kütləvi tədbirlərdə fəallığına görə Fəxri Fərmanlarla təltif olunub.
