Qusar şəhərində 31 Mart - Azərbaycanlıların Soyqırımı Gününə həsr olunan tədbir keçirilib. Bu barədə ShimalNews 30 mart tarixində məlumat verir.
1918-ci ildə Qanlı dərədə həlak olan Qusar və Quba qəhrəmanlarının xatirəsinə ucaldılmış abidə ziyarət olunub. Burada icra hakimiyyətinin və hüquq-mühafizə orqanlarının rəhbərləri, sakinlər, ictimaiyyət nümayəndələri iştirak ediblər.
Bütün soyqırım qurbanları yad edilərək abidə önünə gül-çiçək düzülüb. Sonra Qusar şəhərindəki Rəsm Qalereyasında mövzuya uyğun gənc rəssamların əl işlərindən ibarət sərgiyə baxış keçirilib.
