Qusarda Qış İdman Növləri Federasiyasının və “Şahdağ” Turizm Mərkəzinin təşkilatçılığı, Yaponiyanın Azərbaycandakı səfirliyinin dəstəyi ilə təlimlər keçirilib. Bu haqda ShimalNews 29 yanvar tarixində məlumat verir.
Yaponiyadan dəvət olunan idmançılar “Şahdağ”da 2 gün xizəksevərlərə, o cümlədən yerli xizək təlimçilərinə bu idman növünün incəliklərini öyrədib, müxtəlif ekstremal fənlər nümayiş etdiriblər.
Tədbirdə qonaq qismində, eləcə də Yaponiyanın Azərbaycandakı səfiri Katsuya Vatanabe iştirak edib. O, ekstremallığı ilə seçilən moqulun ölkəmizdə inkişafı, eyni zamanda yerli idmançıların yetişdirilməsi baxımından əlverişli infrastrukturun mövcud olduğunu diqqətə çatdırıb.
