Nazir Sahil Babayev Qusar rayonunda müharibə veteranının atası və müharibə veteranı üçün yaradılmış təsərrüfatlara baxış keçirib. Bu barədə ShimalNews 25 fevral tarixində Əmək və əhalinin sosial müdafiəsi nazirliyinə istinadən məlumat verir.
Rayon sakini Şair Rahmanov Vətən müharibəsi zamanı yaralanmış İzəddin Rahmanovun atasıdır. Özünüməşğulluq proqramına cəlb olunan Ş.Rahmanov üçün istəyinə uyğun olaraq, dərzi sexi qurulub.
Digər rayon sakini olan müharibə veteranı Nazim Seyidov isə özünüməşğulluq proqramı çərçivəsində avtomobil şinlərinin bərpası və təmiri xidmətləri sexi yaradıb.
İkinci Qarabağ müharibəsindən sonra ƏƏSMN tərəfindən şəhid ailələri və müharibə iştirakçıları ilə bağlı icra olunan sosial dəstək paketi 122 min şəxsi əhatə edib. Onlara sosial dəstək yönümlü 269 min xidmət göstərilib.
[caption id="attachment_37271" align="alignnone" width="896"]
Foto ƏƏSMN[/caption]
