Qax rayon sakini Təbriz Əliyev paytaxt sakini Kamran Əliyevlə birlikdə yol-nəqliyyat hadisəsində həyatını itirib.
Shimal.News xəbər verir ki, qəza oktyabrın 14-də saat 01:35 radələrində Bakı şəhərinin Sabunçu rayonu, Bilgəh qəsəbəsində baş verib.
Bakı şəhər sakini Əsgər Zərbəliyevin idarə etdiyi "Volkswagen" markalı avtomobil idarəetmədən çıxaraq aşıb.
Baş Dövlət Yol Polisi İdarəsinin məlumatına görə, ilkin ehtimala əsasən, qəza yüksək sürət və sürücünün sükan arxasında sərxoş vəziyyətdə olması səbəbindən baş verib. Nəticədə avtomobildə olan sərnişinlər həyatlarını itiriblər.
Faktla bağlı cinayət işi başlanılıb, araşdırma aparılır.
