Qusarın İmamqulukənd kəndində çaqqal dişləməsi nəticəsində xəsarət alan üç sakin xəstəxanaya yerləşdirilib.
TƏBİB-dən bildirilib ki, oktyabrın 10-da bir qadın və bir kişi, oktyabrın 12-də isə daha bir qadın çaqqal dişləməsi səbəbilə Qusar Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Pasiyentlərə bədənin müxtəlif nahiyələrinin çoxsaylı travmaları diaqnozu qoyulub. Onlara zəruri tibbi yardım göstərilib və quduzluq əleyhinə vaksin tətbiq edilib.
Vəziyyətləri stabil qiymətləndirilən hər üç sakin ambulator müalicə üçün evə buraxılıb.
Məlumata görə, kənd sakinləri son günlər vəhşi heyvanların yaşayış məntəqəsinə tez-tez daxil olmasından narahatdırlar.
Mənbə: Apa.az
