Bu gün İlham Əliyevin Azərbaycan Prezidenti seçilməsindən 23 il ötür.
2003-cü il oktyabrın 1-də Ulu Öndər Heydər Əliyev xalqa müraciət edərək qarşıdan gələn prezident seçkilərində Yeni Azərbaycan Partiyasının namizədi, partiyanın birinci müavini İlham Əliyevi dəstəkləməyə çağırıb.
Oktyabrın 15-də keçirilən seçkilərdə İlham Əliyev seçicilərin 76 faizindən çoxunun səsini qazanaraq Azərbaycan Respublikasının Prezidenti seçilib. Bununla ölkənin siyasi həyatında yeni bir mərhələ başlayıb.
Son 23 ildə ölkədə iqtisadi inkişaf, infrastrukturun yenilənməsi, sosial proqramların genişlənməsi və ordu quruculuğu istiqamətində mühüm addımlar atılıb. Azərbaycanın beynəlxalq nüfuzu artıb, regionda həyata keçirilən layihələrdə ölkənin rolu daha da güclənib.
2020-ci ildə 44 günlük Vətən müharibəsi nəticəsində Azərbaycanın ərazi bütövlüyü bərpa olunub. Hazırda Qarabağ və Şərqi Zəngəzurda bərpa-quruculuq işləri davam edir, keçmiş məcburi köçkünlərin öz doğma torpaqlarına qayıdışı təmin olunur.
Bu illər ərzində Azərbaycan yeni reallıqlar yaradıb və regionda əsas söz sahiblərindən birinə çevrilib.
