Qusardan olan 16 qadına yaxın zamanda öz bizneslərini qurmaq üçün köməklik ediləcək. Bu haqda 4 aprel tarixində Shimal.news Qusar rayon Qadın Resurs Mərkəzinə istinadən xəbər verir.
Qadınlara dəstək üçün adı çəkilən mərkəzdə “Sahibkarlıq və Biznes bacarıqlarının inkişafı” üzrə təlimin 1-ci mərhələsi başlanılıb. Burada iştirakçılara “Sahibkarlıq”, “Biznes plan”, “Biznes ideya”, “Marketinq”, "Satış, tədarük, sərmayə planı", “Amortizasiya”, “Gəlir və xərclərin hesabatı”, “Pul dövriyyəsi” və s. haqqında məlumat verilib.
Təlimlər İsveçrənin İnkişaf və Əməkdaşlıq Agentliyi və Avstriya İnkişaf Agentliyinin maliyyə dəstəkləri ilə təşkil olunub.
