Hakim vəzifəsinə təyin edilən iki prokurorluq əməkdaşına Baş Prokurorluqda fəxri fərman təqdim edilib.
Shimal.News xəbər verir ki, Prezident İlham Əliyevin 10 oktyabr 2026-cı il tarixli sərəncamı ilə iki prokurorluq əməkdaşı birinci instansiya məhkəmələrinin hakimi təyin olunub.
Sərəncama əsasən, Qax rayon prokurorunun köməkçisi, I dərəcəli hüquqşünas Səxavət Əhmədli Bakı şəhəri Səbail Rayon Məhkəməsinin hakimi vəzifəsinə təyin edilib.
Yeni təyinatla əlaqədar oktyabrın 12-də Baş Prokurorluğun inzibati binasında görüş keçirilib. Tədbirə Baş prokurorun birinci müavini Elçin Məmmədov rəhbərlik edib.
O, yeni hakimləri təbrik edərək prokurorluq orqanlarında fəaliyyətlərini və qanunçuluğun möhkəmləndirilməsi, cinayətkarlığa qarşı mübarizə, insan hüquqlarının müdafiəsi sahəsində xidmətlərini yüksək qiymətləndirib. Elçin Məmmədov Baş prokuror Kamran Əliyevin imzaladığı Fəxri fərmanları onlara təqdim edib və yeni vəzifələrində uğurlar arzulayıb.
