Qubada Vətən Müharibəsi şəhidinin ildönümü qeyd olunub. Bu barədə ShimalNews 30 oktyabr tarixində Quba müəllimləri rəsmi Facebook səhifəsinə istinadən məlumat verir.
Baş gizir Mehrab Niftəliyevin ailəsi ziyarət olunub. Burada Quba Rayon Təhsil Şöbəsinin müdiri Rüfət Hacıyev və qurumun digər əməkdaşları iştirak ediblər. Həmçinin, onlar Qam-qam kəndində "Şəhidlər" bulağı xatirə-kompleksinə də baş çəkiblər.
Mehrab 13 may 1985-ci ildə anadan olub. Ailəli idi, üç övladı yadigar qalıb.
Ölümündən sonra Niftəliyev "Vətən uğrunda", "Cəbrayılın, Şuşanın və Füzulinin azad olunmasına görə" medalları ilə təltif olunmuşdur.
