Qubada məktəbəqədər təhsil, ibtidai sinif müəllimliyi və digər pedaqoji istiqamətlərdə təhsil alan tələbələr üçün layihə hazırlanıb. Bu barədə ShimalNews 10 aprel tarixində “Forest Education Azerbaijan”a istinadən məlumat verir.
Layihə “Uşaq hüquqlarının təşviqi" adlanır. Onun təşkilatçılığı "ASAN xidmət" Mərkəzi və Azərbaycan Dövlət Pedaqoji Universiteti tərəfindən təmin ediləcək.
Bu addımla uşaqların hüquqlarının qorunmasının və təmin edilməsinin vacibliyi haqqında maarifləndirmə və lazımi vasitələrin təmini hədəf götürülüb.
15 akademik saatı əhatə edəcək kursu müvəffəqiyyətlə bitirən müdavimlərə bunu təsdiq edən şəhadətnamə təqdim ediləcək.
