Qubada - Qudyalçayın rayon ərazisindən keçən hissəsində bəndvurma işlərinə başlanılıb. Bu barədə ShimalNews 11 aprel tarixində Azərbaycan Meliorasiya və Su Təsərrüfatı ASC-yə istinadən xəbər verir.
Mövsüm ərzində çətinliyin yaranmaması üçün Quba Suvarma Sistemləri İdarəsi tərəfindən sahilbərkitmə işləri aparılıb. Qurumdan bildirilib ki, son illər iqlim dəyişikliyi ilə əlaqədar şimal bölgəsindəki çaylarda suyun həcminin azalması müşahidə edilir. Bu da öz növbəsində yay aylarında suvarma suyuna olan tələbatı ödəməkdə müəyyən çətinliklər yaradır.
Tezliklə 3 su anbarının inşası bu halın aradan qaldırılmasına köməklik edəcək. Qış aylarında toplanan sudan yaz və yay aylarında istifadə ediləcək.
