Quba gəncləri ilə polis orqanlarında xidmətə qəbulla əlaqədar görüş keçiriləcək. Bu barədə ShimalNews 5 iyun tarixində Gənclər Mərkəzinə istinadən məlumat verir.
Tədbir iyunun 7-si saat 14:30-da Gənclər Mərkəzində təşkil olunacaq. Burada yaşı 29-dək olan, həqiqi hərbi xidmət müddətini tam başa vurmuş, boyu 180 sm-dən hündür, çəkisi minimum 70 kq olmaqla əvvəllər özü və yaxın qohumları məhkum olunmamış "Azərbaycan Respublikasının daxili işlər orqanlarında xidmət keçmə haqqında Əsasnamə"də müəyyən olunmuş şərtlərə cavab verən Azərbaycan Respublikasının kişi cinsli vətəndaşları iştirak edə bilərlər.
