Quba şəhərində əmək yarmarkası keçiriləcək. Bu barədə ShimalNews 21 iyun tarixində Dövlət Məşğulluq Agentliyinə istinadən məlumat verir.
«Quba Palace Hotel»in əmək yarmarkasına 22 vakansiyanın çıxarılması nəzərdə tutulub. Burada məqsəd işsiz və işaxtaran şəxslərin işəgötürənlərlə bilavasitə təmas yaratmaqla işə düzəlmələrinə köməklik göstərməkdir.
Yarmarkada iştirak etmək istəyənlər iyunun 23-ü saat 11:00-dan 13:00-dək Qələbə küçəsi, 17 (Quba-Xaçmaz Regional Məşğulluq filialının inzibati binası) ünvanına yaxınlaşa bilərlər. Müraciət edən namizədlərin şəxsiyyət vəsiqələrini təqdim etmələri mütləqdir.
