TƏBİB hadisə ilə bağlı Shimal.News-un sorğusuna cavab verib:
“24.04.2025-cü il tarixində saat 12:20 radələrində Quba rayonu ərazisində baş verən it dişləməsi səbəbilə xəsarət alan 3 nəfər Quba Rayon Mərkəzi Xəstəxanasının Təcili və təxirəsalınmaz tibbi yardım şöbəsinə hospitalizasiya olunub.
2018-ci il təvəllüdlü şəxsə (kişi cinsli) üzün və kəllənin çoxsaylı dişlənmiş, cırılmış yaraları, 1970-ci il təvəllüdlü şəxsə (qadın cinsli) qarının, sol budun ön səthinin dişlənmiş, sıyrılmış yaraları, 1967-ci il təvəllüdlü şəxsə (qadın cinsli) isə sol saidin arxa səthinin sıyrılmış, dişlənmiş yarası diaqnozu təyin olunub.
Zərərçəkmişlərə ilkin zəruri tibbi yardım göstərilib və quduzluq əleyhinə vaksin vurulub.
2018-ci il təvəllüdlü şəxsin müalicəsi Travmatologiya şöbəsində davam etdirilir. 1967 və 1970-ci il təvəllüdlü şəxslər isə zəruri tibbi xidmətlər göstərildikdən sonra ambulator müalicə üçün evə buraxılıb”.
14:46
Qubada 1 məktəbli və 2 qadın küçə itinin hücumuna məruz qalıblar.
Shimal.News-un əldə etdiyi məlumata görə, hadisə 2-ci Nügədi kəndində baş verib.
Şahidlərin sözlərinə görə, 7 yaşlı 1-ci sinif şagirdi dərsdən evə qayıdarkən sahibsiz it ona hüсum edib. İt uşağa kömək etməyə gələn qadınlardan birinin ayağını, digərinin isə əlini dişləyib. Ətrafdakı insanların da yardıma qaçdığını görən azğınlaşmış heyvan hadisə yerindən qaçıb.
Həmin vaxt ərazidə olan yol polisi əməkdaşları uşağın ağır vəziyyətdə olduğunu görərək onu xidməti avtomobilləri ilə Quba Rayon Mərkəzi xəstəxanasının Acil şöbəsinə çatdırıblar.
Fakt araşdırılır.
