Qubada aqrar innovasiyaların təbliği və təşviqi məqsədilə Aqrar Biznes Festivalı təşkil edilib. Bu haqda ShimalNews 28 mart tarixində məlumat verir.
“ASAN xidmət” mərkəzinin ərazisində baş tutan tədbirin açılışında Quba Rayon İcra Hakimiyyətinin başçısı İlqar Mahmudov, Azərbaycan Respublikasının Kənd Təsərrüfatı naziri Məcnun Məmmədov və Aqrar İnnovasiya Mərkəzinin direktoru Anar Cəfərov çıxış ediblər. Onlar festivalın əsas məqsədinin regionlarda yaşayan fermerlərin kənd təsərrüfatı məhsul və texnologiyalarına əlçatanlığının təmin edilməsi olduğunu bildiriblər.
Daha sonra kənd təsərrüfatı təyinatlı qurğu və avadanlıqlara, aqrar sahədə fəaliyyət göstərən texnika, gübrə, toxum, dərman, ting və digər kənd təsərrüfatı istehsalçısı olan şirkətlərin məhsullarına baxış keçirilib.
