Qubada “Sazlı, sözlü kəlağayı günləri” adlı tədbir keçirilib. Bu haqda ShimalNews 4 aprel tarixində məlumat verir.
Təşkilatçılıq icra hakimiyyəti və "Mirvarid Dilbazi Poeziya Məclisi" İctimai Birliyi ilə (İB) birgə baş tutub. İB-nin sədri, şəxsi “Kəlağayı Muzeyi”nin direktoru, və “Sazlı, sözlü kəlağayı günləri” layihəsinin rəhbəri, şair, publisist Güllü Eldar Tomarlı Azərbaycan Dövlət Pedaqoji Universitetinin Quba filialında açılış nitqi ilə çıxış edib.
Bildirilib ki, Azərbaycan kəlağayısı ölkədə və xaricdə geniş təbliğ olunur. Onun bu il noyabrın 26-da beynəlxalq miqyasda tanıdılmasının 10 ili tamam olur. YUNESKO ''Kəlağayı sənəti və simvolizmi, ipək baş ötüklərinin hazırlanması və istifadə olunması'' başlığı altında kəlağayını Qeyri-maddi mədəni irs üzrə Reprezentativ siyahıya daxil edilib. Bu, xalqımız üçün böyük uğurdur.
Daha sonra tədbir ədəbi-bədii hissə ilə davam edib. Qonaqlar üçün mövzuya uyğun musiqi nömrələri və şeirlər səsləndirilib.
[video width="1280" height="720" mp4="https://shimal.news/storage/photos/2024/04/GFUK6xlHPWufcsAEAGMjOxKM4NJcbmdjAAAF.mp4"][/video]
