Quba Rayon İcra Hakimiyyəti Ramazan ayı münasibətilə iftar mərasimi təşkil edib. Bu haqda ShimalNews 5 aprel tarixində məlumat verir.
Dünən “Nərgiz Plaza” şadlıq sarayında mərasim baş tutacağı haqda xəbər vermişdik.
Tədbirdə icra başçısı İlqar Mahmudov, Milli Məclisin deputatı Vahid Əhmədov, şəhid ailə üzvləri, qazilər, veteranlar, Yeni Azərbaycan Partiyası Quba rayon təşkilatının sədri, Rayon İcra Hakimiyyətinin kollektivi, rayonun hüquq-mühafizə orqanlarının rəhbərləri, regional və digər idarə, müəssisə və təşkilatların rəhbərləri, bir qrup din xadimi, ictimaiyyət nümayəndələri və aztəminatlı şəxslər iştirak ediblər.
Din xadimləri tərəfindən “Quran” oxunub, şəhidlərimizin xatirəsi yad edilib və Ramazan ayının fəzilətlərindən danışılıb. Məclisdə respublikamızın tanınmış muğam ustaları tərəfindən muğamlar oxunub, qəzəllər səsləndirilib.
