Qubada 18 yaşında şəhid olan axıska türkü Batdal Bayraxdarovun xatirəsi əbədiləşdirilib. Bu barədə AZƏRTAC xəbər verib.
Ağbil kəndində Vətən müharibəsi şəhidi Batdal Bayraxdarovun xatirəsini əbədiləşdirmək məqsədilə şəhadətinin ildönümündə abidə-bulaq kompleksi istifadəyə verilib.
Keçirilən mərasimdə şəhidin döyüş yoldaşları, ailə üzvləri, kənd sakinləri, və Quba Rayon İcra Hakimiyyətinin, yerli hüquq mühafizə orqanlarının rəhbər şəxsləri iştirak ediblər.
Batdal Bayraxdarov Vətən müharibəsinin ilk günlərindən döyüşlərə qatılıb. Cəbrayıl və Füzulinin azad olunması uğrunda savaşlarda fəal iştirak edib. Oktyabrın 10-da Füzuli şəhəri istiqamətində gedən şiddətli döyüşdə qəlpə yarası alaraq şəhidlik zirvəsinə ucalıb.
Ölümündən sonra "Vətən uğrunda" medalı ilə təltif edilib.
